Ұлттық байқаулардың сценарийлері

1. «Жігіт сұлтаны» байқауы («Қозы Көрпеш – Баян сұлу» күніне орай мектеп оқушыларына, колледждер мен жоғары оқу орындарының  студенттеріне)

Байқаудың мақсаты – жастар арасында ұлттық байқаулар өткізу арқылы салт-дәстүріміз бен ұлттық құндылықтарды дәріптеу, «Рухани жаңғыру» бағдарламасы қағидаттары негізінде халқымыздың ізгі қасиеттерімен тәрбиелеу.

Байқау кезеңдері:    

1. «Тегімді менің сұрасаң…» (таныстыру)
2. «Көңілі ояу, көзі ашық…» (салт-дәстүрден сұрақ-жауап)
3. «Әке көрген оқ жонар…» (өз өнерін көрсету)
4. «Ескірмейтін есті сөз» (мақал-мәтел сайысы)
5. «Күш атасын танымас» (қол күрес немесе гир көтеру).

Қатысушылар: мектеп оқушылары, колледж және ЖОО студенттері.

Міндетті аудиториясы: 14-23 жас аралығы. (9 сыныптан бастап)

Шараның ұзақтығы: 3 сағаттан аспау керек.

ЖҮКТЕП АЛУ

2. «Қыз сыны» байқауы («Қозы Көрпеш – Баян сұлу» күніне орай мектеп оқушыларына, колледждер мен жоғары оқу орындарының  студенттеріне)

Байқаудың мақсаты: қыз баланың бойына адамгершілік, имандылық, инабаттылық, адалдық ұғымдарын сіңіре отырып оларды парасатты, білімді болуға, ұлттық құндылықтарымызды сақтауға тәрбиелеу, «Рухани жаңғыру» бағдарламасы қағидаттары негізінде халқымыздың ізгі қасиеттерімен тәрбиелеу.

Байқау кезеңдері:    

1. «Мен қазақтың қызымын» (таныстыру // 3 минут)
2. «Өнерлінің өрісі кең…» (өз өнерін көрсету // 5 минут)

III. «Зерделінің ойы озық» (салт-дәстүр, әдет-ғұрып, жөн-жоралғы жөніндегі сұрақ-жауап // 5 сұрақ)

1. «Ана көрген тон пішер» (қолөнер сайысы)
2. «Қыздарға әсемдік жарасады» (ұлттық киім үлгісін көрсету).

Байқаудың басты талаптары:

1. Сахна мәдениеті (жүріс-тұрысы, өзін-өзі ұстауы),
2. Киімнің үйлесімділігі, эстетикалық талапқа сай болуы,
3. Сөйлеу мәдениеті (тіл тазалығы мен дауыс ырғағы),
4. Білім деңгейі.

Қатысушылар: мектеп оқушылары, колледж және ЖОО студенттері

Міндетті аудиториясы: 14-22 жас аралығы. (9 сыныптан бастап)

Шараның ұзақтығы: 3 сағаттан аспау керек.

ЖҮКТЕП АЛУ

3. «Болашақ отбасым» ұлттық сайысы («Отбасы күніне» орай жоғары сынып мектеп оқушыларына, колледждер мен жоғары оқу орындарының  студенттеріне)

Сайыстың мақсаты: Атадан балаға мирас болған игі салтымыз бен ізгі дәстүрімізді және отбасылық құндылықтарымызды жас ұрпаққа насихаттау.

Сайыс кезеңдері: 

І. «Жеті атасын білген ер, жеті жұрттың қамын жер» (таныстыру // 3 минут)

ІІ. «Отбасым – мақтанышым…» (қатысушылар ұлттық салт-дәстүр мен құндылықтар аясында ситуациялық сұрақтарға жауап беруі керек. // 1 сұрақ қойылады, 5 минут уақыт беріледі.)

ІІІ. «Білгенге – маржан…» (отбасы, салт-дәстүр, әдет-ғұрып жайындағы мақал-мәтелдер мен сұрақтар // 3 сұрақ)

1. «Бақыттың кілті…» (Бұл кезеңде қатысушылар отбасындағы ер мен әйелдің негізгі міндеттері туралы өз пікірлерін айтады.)

Сайыстың басты талаптары:

1. Топ 15 жастан жоғары білім алушылардан құралады және 2 адамнан кем болмауы керек;
2. Сайысқа 3-5 топ қатысады;
3. Әр топтың аты мен ұраны болуы шарт;
4. Сахна мәдениетін сақтау;
5. Киімдерінің үйлесімділігі, эстетикалық талапқа сай болуы;
6. Сөйлеу мәдениеті (тіл тазалығы мен дауыс ырғағы).

Қатысушылар: жоғары сынып мектеп оқушылары, колледж және ЖОО студенттері.

Міндетті аудиториясы: 15-23 жас аралығы.

Шараның ұзақтығы: 3 сағаттан аспау керек.

ЖҮКТЕП АЛУ

0