Қажырлы еңбек - табыс кілті

Бибігүл Тілешқызы Сахипова

🔸Бибігүл Тілешқызы Сахипова Атырау облысы Қайыршақты селосының Қайыршақты орта мектебінің 8 сыныбын үздік бітіріп, Гурьев медицина училищесіне «Мейірбике ісі» бөліміне оқуға түседі. 1986 жылы училищені үздік аяқтап, 1986-1987 жылдары №1 қалалық балалар емханасында учаскелік мейірбике қызметін атқарған.

🔹1987 жылы Целиноград мемлекеттік медицина институтының «Емдеу ісі» бөліміне оқуға түсіп, 1993 жылы акушер-гинеколог мамандығын алған. Ол 1993 жылдан бастап Атырау жоғары медицина колледжінің акушерия және гинекология пәні оқытушысы болып қызмет етіп келеді.

2013-2017 жылдар аралығында колледждің әдіскері қызметін атқарған.

2014 жылы «Эверо» баспасынан жарық көрген медицина колледжі студенттеріне арналған әдістемелік оқу-құралдарының авторы.

🔹2015 жылы Ұлттық Медициналық Ассоциациясы Қазақстан халқының өмірі мен денсаулығын сақтауға сіңірген абыройлы еңбегі үшін «Алтын дәрігер» төсбелгісінің иегері атанған.

🔹2020 жылы Тәуелсіз Қазақстанның рухани және әлеуметтік дамуы жолында білім беру жүйесін дамыту мен сапасын арттыруға қосқан үлесі үшін ҚР Білім және ғылым министрлігінің «Құрмет грамотасымен» марапатталған.

Back to top button